Komento
"Milde satiran intencon havas Vivo kaj opinioj de Majstro M’Saud [...], sed tiu satiro estas ĉiam plej bonhumora (se tio ne estas en si mem kontraŭdiro). La aŭtoro parolas en la personeco de azeno en la nordafrika dezerto, vivanta sur oazo kompreneble. La araban mondon bone konis la aŭtoro, kaj li priskribas ĝin ameme. Sed sendube la ĉefa merito de tiu ĉi libro estas ĝia stilo; Ribillard estas la plej lirika el niaj prozistoj, kaj legi lian libron estas kvazaŭ sidi komforte kaj aŭskulti la facilan konversacion de flua sed ne rapidanta maturulo. "
William Auld: Vereco, distro, stilo. 1981.
